Околу 2.000 луѓе загинаа во неколку силни земјотреси што го погодија западен Авганистан.. Но бројот на повредени е многу поголем, а потрагата по преживеани продолжува.
Најмалку осум земјотреси со интензитет од 4,6 до 6,3 степени, според Рихтеровата скала, се регистрирани од вчера северозападно од авганистанскиот град Херат, што е во близина на границата со Иран. Земјотресите беа на мала длабочина од околу 10 километри.
Силни земјотреси се чести во регионот каде што се спојуваат арапските, индиските и евроазиските плочи. Во минатогодишниот разорен земјотрес во Авганистан загинаа повеќе од 1.000 луѓе.