Израелската Армија прогласи состојба на приправност за војна по ненадејниот напад на ХАМАС врз југот на земјата.
Веднаш е одобрена и започната мобилизација на резервниот состав на воените сили.
По средбата со воениот врв, израелскиот премиер Бенјамин Нетанјаху се обрати на граѓаните и кажа дека Израел е во војна.
אנחנו במלחמה. pic.twitter.com/XNM3l7fEQH
— Benjamin Netanyahu – בנימין נתניהו (@netanyahu) October 7, 2023
Израел веќе делува со воздушни проектили врз територијата на Газа од каде ХАМАС го изведе големиот ракетен напад во кој има стотици повредени. На граничната линија кон Газа (Палестина) има престрелки меѓу израелската војска и припадници на ХАМАС, сведочат жители кои се во близина на престрелките.
На најмалку една локација на границата, Палестинците со булдожери ја уриваат високата ограда која е дигитална и софистицирана и служи за спречување на илегални преминувања од Газа во Израел.
Војната команда на ХАМАС објави почеток на масовна воена операција и ги повика сите Палестинци да земат учество.
-Ова е денот на најголемата битка за завршување на последната окупација на земјата, изјави Мохамад Деиф, командантот на ХАМАС.
ХАМАС соопшти дека испукале 5 илјади ракети, но израелската армија процени дека бројот на проектилите бил двојно помалку.
-Ќе се одбраниме, порачаа Израелските одбранбени сили и воспостоваија радиус на воени операции од 80 километри околу појасот Газа од каде стигнаа нападите.
Израелскиот државен и воен врв на итна координација ги утврдува мерките за одговор, а сите безбедносни агенции презентирале првични извештаи за нападот кој ги обнови старите непријателства со нова војна на Блискиот Исток.
Од нападнатиот регион постојано стигаат нови известувања преку социјалните мрежи.
Apocalyptic scenes right now in southern Israel. pic.twitter.com/uuseUdcytV
— Trey Yingst (@TreyYingst) October 7, 2023