Уште еден закон со европско знаменце ги спротивстави власта и опозицијата. Собранието расправа за солидарниот данок.
Опозицијата го смета за дополнителен товар врз компаниите кои се најголеми плаќачи на данок и најголеми полначи на буџетот, додека поштедени се новоформирани фирми блиски до владини функционери.
За Владата, ова е еднократна давачка која треба да ја платат оние што оствариле екстра профит за време на здравствената криза и ќе биде наменета за оние категории што биле оштетени. Овој данок треба да обезбеди прилив од околу 76 милиони евра во буџетската каса.