Индија денеска ја лансираше својата прва вселенска мисија која има за цел проучување на сонцето. Новиот потфат следува откако пред помалку од две недели успешно слета без екипаж во близина на јужниот поларен регион на Месечината.
Вселенското летало „Aditya-L1“ треба да стигне до точка на околу 1,5 милиони километри од земјата, позната како L1.
Леталото е опремено со инструменти за проучување на сончевата корона, хромосфера, фотосфера и сончевиот ветер, соопшти Индиската организација за вселенско истражување.
Пресметките се дека на сателитот ќе му бидат потребни 125 дена за да стигне до точката L1.
Индија е првата земја што успешно го слета своето вселенско летало во близина на јужниот пол на Месечината на 23 август – историско патување до непозната територија за која научниците веруваат дека може да има витални резерви на замрзната вода.
По неуспешниот обид да слета на Месечината во 2019 година, Индија им се придружи на Соединетите Држави, Советскиот Сојуз и Кина, со што стана четвртата земја што успешно го заврши овој предизвик.