Поранешниот американски претседател Доналд Трамп доби полициска фотографија или попупарно наречената mugshot односно фотографија која ја прави полицијата при секое апсење.
Трамп на неа е со препознатливата црвена кравата, а лицето му е намуртено со остар поглед кон апаратот кој го фотографира.
Заведен е како затвореник со број П01135809, а по 20 минути поминати во затвор во округот Фултонб (држава Џорџија, САД) е ослободен со кауција од 200 илјади долари.
На веб страницата на шерифот каде е објавена фотографијата стои и опис на Трамп „маж, белец, висок 190 сантиметри со руса коса и сини очи“. Во дополнение стои и дека против него има обвинение за влијание врз изборните резултати од претседателските избори во 2020 година во државата Џорџија
Во текот на постапката тој влезе во историјата како прв поранешен американски претседател кој се појавил на полициска mugshot фотографија.
Покрај кауцијата од 200.000 долари, судот на поранешниот претседател му издаде забрана да заплашува други обвинети, сведоци или жртви, вклучително и на социјалните мрежи.
Обраќајќи им се на новинарите по ослободувањето, пред да се врати во својот голф клуб во Њу Џерси, Трамп ги повтори тврдењата дека обвинувањата се политички мотивирани.
„Ова што се случи овде е изопачување на правдата. Не направив ништо погрешно и сите го знаат тоа. Имаме право да ги оспориме изборите за кои мислиме дека се неправедни“, рече Трамп и возврати дека обвиненијата против него се мешање во изборите.
Десетици поддржувачи на Трамп се собраа пред окружниот затвор во Атланта, вклучувајќи ја и членката на Американскиот Конгрес, Марџори Тејлор Грин.
Фотографијата од полицијата стана хит меѓу обожавателите на Трамп, а една негова поддржувачка самоуверено тврдеше дека „намуртениот Трамп“ ќе биде позната фотографија како Мона Лиза на Да Винчи. Таа обожавателка најави и дека ќе направи маица со полициската фотографија.
На Трамп ова му е веќе 4-то обвинение, а второ за мешање и влијание врз избори. Првото и најсериозно е дека го поттикнал упадот во Конгресот на 6-ти јануари 2021-ва година со ширење на дезинформации и лаги за кои знаел дека не се точни.
Дополнително е опфатен со предмет за изнесување на доверливи документи од Белата куќа како и за исплата на пари од изборна кампања на порно-ѕвезда како надомест да не зборува за нивната врска. Покрај тоа повеќе жени во изминатите години го обвинуваа и покренаа постапки за сексуално вознемирување.
Трамп сите обвиненија ги отфрла како политички мотивирани, а засега е главен кандидат меѓу републиканците за повторно да биде кандидат за Претседател на САД во 2024-та. Рејтингот и покрај обвиненијата засега не се намалува и тој е на ниво на