Турција, кон крајот на август, го очекува рускиот претседател Владимир Путин во посета на земјата, објави „Хуриет“, повикувајќи се на извори во владата. Весникот наведува дека теми на разговори со неговиот домаќин Реџеп Таип Ердоган ќе бидат прашања кои се однесуваат на обновувањето на договорот за жито, билатералните односи меѓу двете земји, односите на Турција со Азаербејџан и Ерменија и начините за ноирмализација на односите меѓу Турција и Сирија.
Турскиот претседател Ердоган на 4 август ја најави можноста за посета на Путин, а датумот, според него, ќе биде одреден дополнително и по дипломатски пат.
Турција на почетокот на јули ослободи петмина команданти на баталјонот Азов кои беа заробени од руските сили во борбите за пристаништниот град Мариупол. Тие беа ослободени од Русите во септември, размената на затвореници што ја надгледуваше Анкара, но под услов да останат во Турција до завршување на војната во Украина. Во реакцијата на Кремљ беше наведено дека Турција го прекршила договорот за командантите на Азов во момент кога и Путин најави дека ќе отпатува во посета кај Ердоган.