Норвешката влада соопшти дека и денеска продолжуваат сајбер нападите врз институциите на јавниот сектор на земјата. Информираат дека цел на нападите денеска биле 12 министерства.
– Рано е да се каже кој стои зад тоа и колкава штета предизвика овој сајбер напад, велат надлежните.
По падот на испораките на руски гас, Норвешка сега е најголемиот снабдувач на гас во Европа и најголем извозник на нафта во Западна Европа.
Кабинетот на премиерот и министерствата за одбрана, правда и надворешни работи не беа погодени од нападот бидејќи користат различни ИТ платформи, информираат локалните медиуми.