Најмалку 11 загинати во Кина откако врз нив се урна покрив на спортска сала

Најмалку 11 лица загинаа во Кина, а според очевидци најголем дел од нив се деца, откако врз нив се урна покрив на спортска сала. Во моментот на несреќата во објектот имало 19 лица, а објектот го користеле тим на млади одбојкарки. Несреќата се случила во неделата во 15 часот по локално време во гимназија на североистокот од земјата. Во спасувачката акција учествувале речиси 160 пожарникари и 39 противпожарни возила… Прелиминарната истрага покажала дека најверојатната причина за несреќата е лоша изградба на покривот на салата со несоодветни материјали, кои попуштиле од насобраната вода од обилните врнежи од дожд.