Казни за 20 продажни места за непочитување на услови за чување на храната – да се внимава од каде и што се купува, апелираат од АХВ

Засилени се и контролите на инспекциските служби на Агенцијата за храна и ветеринарство во услови на екстремно високи температури. Со апел до граѓаните да внимаваат на хигиената, да ги проверуваат производите кои ги купуваат,  производителите да ги исполнуваат ХАСАП или ХАЛАЛ условите. Во периодов додека е во ек топлотниот бран казнети се околу 20 правни субјекти.

• Засилени контроли како и секоја туристичка сезона се спроведуваат во туристичките центри и на местата каде се одржуваат манифестации од отворен тип, а каде се подготвува и служи храна. Со вонредни контроли се опфатени и сите оние објекти како хотели, ресторани, пицерии, слаткарници, бурекџилници, кафулиња, но и во малопродажни објекти во сите населени места.  Препорачуваме производи како што се оние од месо, млеко,  јајца или било кој друг вид на лесно расиплив производ да се купува последен во продажните места и што побрзо да се смести во нашите домашни фрижидери да се чува на на температура до 5 целзиусови степени, вели за Телма, Николче Бабовски, директор на Агенција за храна и ветеринарство.