Во текот на оваа недела имаме најавено протести во три институции, предупреди претседателот на ССМ Слободан Трендафилов, иако не сакаше да открие за кои инсититуции станува збор, за да не ги изложат на дополнителни притисоци.
Доколку се случат протестите во понеделник, вторник и среда, тоа ќе биде уште еден сериозен аларм кон политиките на оваа влада во однос на платите на тие вработени. Не можете во судовите да ги плаќате судските службеници и судската администрација потпросечни плати, а судиите да добијат 78 проценти зголемени плати. Не можете на вработените во социјалните центри да не им ги зголемувате платите, рече Трендафилов.
Ова ќе биде жешко лето не само по однос на температурите, туку и по однос на синдикалните активности, предурпеди Трендафилов.