Воведувањето на антикорупциски стандард во државните институции е една од идните активности што ги планира Институтот за акредитација. Овој систем за управување со поткуп промовира култура против корупцији и предвидува соодветни контроли.
Според директорот на Институтот, Слободан Чокревски, овој антикорупциски стандард (ИСО 37001:2016) во светот најчесто се користи во приватниот сектoр, односно во фирми и корпорации, но кај нас би имал големо значење доколку со закон се обврзат државните институции да го воведат.
Како многу значаен, Чокревски го издвојува и меѓународниот стандард за ИТ безбедност, кој би помогнал во спречување на сајбер нападите на државните институции и фирмите.
Денеска е Светски ден на акредитацијата, а истовремено Институтот за акредитација одбележува 20 годишен јубилеј.