Турската лира падна блиску до историскиот минимум во однос на американскиот долар по победата на Реџеп Таип Ердоган во вториот круг на претседателските избори.
Еден американски долар утрово се продава за 20,05 турски лири, додека негативен рекорд е забележан во петокот кога се разменуваше за 20,06 лири.
Турската валута загуби повеќе од шест отсто на својата вредност од почетокот на 2023 година, а нејзината вредност во последните 10 години падна за над 90 отсто.
„Победа на Ердоган не нуди сигурност на странските инвеститори“, смета експертот Хусеин Малик.
Централната банка на Турција во изминатите две години постепено ја намалуваше референтната каматна стапка од 19 на сегашните 8,5 отсто.