Претседателот Владимир Путин потпиша Закон за повлекување на Русија од Договорот за конвенционални оружени сили во Европа (ЦФЕ), се наведува во документот кој е објавен на официјалниот интернет портал за правни информации.
Договорот за ЦФЕ е потпишан во Париз во 1990 година, а негова ажурирана верзија е усвоена на самитот на Организацијата за европска безбедност и соработка. Прилагодената верзија ја потпишаа само четири земји – Русија, Белорусија, Украина и Казахстан.
Русија во 2007 година го суспендира своето членство во Договорот ЦФЕ, сè додека НАТО земјите не ја ратификуваат Спогодбата за адаптација и не почнат да го спроведуваат документот“.
На 11 март во 2015 година, Русија го суспендира учеството и на состаноците на заедничката консултативна група за Договорот ЦФЕ и остана, чисто, де јура страна во Договорот. Од тогаш, руските интереси во Групата ги застапува Белорусија.