Руската офанзива е запрена, а ситуацијата на фронтот во и околу Бахмут е стабилизирана, тврди началникот на генералштабот на украинската војска. Валери Залужни порача дека руските трупи се екстремно исцрпени, што им овозможило на украинските сили да ги засилат своите позиции. Украинското министерство за одбрана, но и британското, во своите дневни билтени изразуваат верба дека новонастанатата ситуација во Бахмут довела до судир руската војска и платеничката група Вагнер.
„Благодарејќи на неизмерните напори на одбранбените сили, ситуацијата успеавме да ја стабилизираме“, напиша Залужни на Фејсбук.
Командантот на украинските копнени сили Олександар Сирски најави дека украинската армија многу скоро би можела да почне контраофанзива против руските сили во Бахмут. Ваквите најави на двајцата воени претставници доаѓаат по посетата на претседателот Зеленски на линијата на фронтот кај Бахмут.
Меѓународниот комитет на Црвеникот крст објави снимка од достава на пакети со помош во близина на линијата на фронтот кај Бахмут во кој има 500 лица.
Бахмут пред почетокот на руската инвазија имаше околу 70.000 жители. Сега е град во кој, речиси, да нема цивилно население и точка на најдолгата и најкрвавата битка од почетокот на војната.
Сашко Димовски