Францускиот Претседател Емануел Макрон се најде на мета на жестоки критики во својата држава, затоа што наводно го отстранил „луксузниот“ часовник кој го носел пред два дена во рамките на ТВ интервјуто по одлуката за зголемување на старосната граница за пензионирање од 62 на 64 години.
Франција се соочува со масовни протести и штрајкови на синдикатите бесни заради политиките на шефот на државата.
Претставниците на Макрон тврдат дека претседателот го отстранил часовникот затоа што удирал гласно на масата.
Инцидентот се случил во текот на интервјуто во средата кога Маркон ги образложувал причините за зголемувањето на старосната граница за пензионирање.
Од кабинетот на Претседателот тврдат дека позадината на целиот инцидент е многу поинаква и невина. Додека зборувал, Макрон ги спуштал рацете на масата и часовникот гласно удирал, по што тој одлучил да го извади.
Според синдикатите и демонстрантите, Макрон уште еднаш покажал колку нема разбирање на страдањата на обичните француски граѓани.
Полемики се водат и околу тоа колку чини часовникот на раката на францускиот претседател. Во дел од највиралните објави на социјалните медиуми, критички настроени кон Макрон, се тврди дека часовникот чинел 80 000 евра.
Ваквите објави само го засилуваат впечатокот дека Макрон целосно ги разбира и штити интересите на богатите, бидејќи и тој е дел од нив.