Предлогот судијката од Скопска Апелација Елизабета Дуковска да биде избрана за уставен судија предизвика слаб интерес кај пратениците. Опозициската ВМРО ДПМНЕ го оспори начинот на кој Судскиот совет ја избра оваа од трите кандидатки, со гласање само за неа а не и за останатите.
Опозицијата не гледа дека Дуковска е истакната или има некакви трудови во правните области за кои треба да одлучува Уставниот суд.
Судскиот совет тврди дека се работи за судијка која професионално ја извршува својата работа, за што добивала највисоки позитивни оценки. 11 членови гласале за неа, а двајца биле против, по што, воопшто не се гласало за другите кандидатки.
Уставниот суд никако да се комплетира. Во моментот, наместо со 9, работи со 6 судии. Во собраниска процедура `се уште е предлогот Републичкиот јавен обвинител Љубомир Јовевски да биде уставен судија. Изборот е блокиран во Комисијата за избори и именувања.
Соња Николовска