Не верувам во ваква економија, во „замрзнување“ на цените, затоа што верувам во слободен пазар и пазарот да ги регулира цените, самиот по себе. Нормално, да имаме регулаторни тела, но не вакво „замрзнување“ на цените“, рече Абил Бауш, екјономски аналитичар, во вечерашната дебата во „Топ тема“ на ТВ Телма.
„Ова ми доаѓа како враќање во некои други системи. Ние се обидуваме да гасиме некои социјални пожари со социјални мерки, но од друга страна не гледаме што натаму се случува кај тие економски оператори. Да не речам манипулираат со цените, но прават одредени трошоци за цените да бидат тие кои се. Теоретски, да, можат да се намалат цените, меѓутоа практично, во оваа инфлација што ја имаме од 2019 година до сега, ние не м ожеме да ги намалиме цените драстично“, нагласи Бауш.
Според него, мерките од почетокот, со донесување на маржите, па до денеска за „замрзнување“ на цените, се погрешни.
„Не беа краткорочни за намалување на психолошкиот аспект на граѓаните, кога почнаа да одат по маркети и да купуваат масло за јадење и други основни прехранбени производи затоа што ќе ги нема. Но, тие продолжија со маржите и со субвенција на одредени производи, како субвенција на електрична енергија. Мене не ми јасно како го регулираат тој пазар. Ние применуваме мерки како да сме држава од 25 – 30 милиони жители и штитиме некои стратешки производи кои ги немаме. Имагинативно се обидуваме да штитиме нешто“, вели Бауш.