Односите Скопје-Софија не се на дневен ред на денешниот вонреден самит на Европската унија во Брисел, но бугарскиот претседател Румен Радев вели дека ќе ја иницира темата затоа што проблемите со Македонија бараат европски пристап. Пред почетокот на состанокот, тој повтори дека клучно е да се почитуваат правата на македонските Бугари, но рече дека не гледа политичка волја за институционална реакција на македонските власти за заштита на правата на Бугарите во Македонија.
Премиерот Димитар Ковачевски изјавата на Радев ја препишува на предизборниот период во Бугарија, но беше директен велејќи дека Македонија преговара со Унијата, а не со Бугарија.
За ВМРО-ДПМНЕ изјавата на Радев е резултат на неспособноста на Владата која не не одговара дали уставните измени се последното барање од Бугарија за прекин на блокадата.
Вчера, Советот на Европа усвои резолуција во која пиштува дека не постои системска дискриминација на малцинствата во Македонија, со што беа отфрлени амандманите на Бугарија. Според објаснувањето на македонското МНР аргументацијата на мнозинството претставници е дека ваквите процеси не треба да бидат прекумерно политизирани и билатерализирани, туку треба да се засноваат на меѓународното право, и на објективните наоди на независните експерти кои ја покажуваат реалната состојба
Марија Дивитарова