Десет лица се ранети во пукање во Лејкленд, Флорида, соопшти градската полиција.
Пукањето се случило вчера попладне, а две лица се во критична состојба, соопшти полицијата.
Се наведува дека напаѓачите во еден момент ги отвориле сите четири прозори од темносини возила и отвориле оган, а во престрелката биле ранети лица од двете страни на улицата.
Станува збор за темно син Нисан со 4 врати, со затемнети прозорци и привремени таблички. Возилото забавило, но не застанало и сите четири призирци се спуштиле. Се чини дека во возилото имало четворица патници кои почнале да пукаат од сите прозорци на возилото, и пукале кон машки лица и од двете страни на улицата, изјави началникот на полицијата во Лејкленд Сем Тејлор.
Полицијата во Лејкленд сè уште не идентификувала ниту еден осомничен и на Фејсбук објави дека нуди награда од 5.000 долари за информации за напаѓачите.
На местото на пукањето била пронајдена марихуана, поради што полицијата се сомнева дека нападот се случил за време на продажба на дрога.