Со помош на технологијата може да се дојде до изворот и мора да постои соработка меѓу надлежните државни институции и приватниот сектор посветен на сајбер безбедност, сметаат експертите.
„Имавме многу сериозен проблем и тоа некој ќе кажат поради хибридната војна, исто така, сред овие судири меѓу Украина и Русија и слично, го поврзувавме и со тоа, затоа што поголемиот број на дојави за бомби беше на авиолетовите кон Москва и обратно. Меѓутоа, она што успеавме да го направиме е државата заедно со приватниот сектор низ тимовите за одговор на сајбер инциденти, со постоечките компании за сајбер безбедност успеавме да дојдеме до тоа да го надгледуваме сообраќајот и да дојдеме до ИП адресите на корисниците кои тоа го пријавуваа“, вели Слободан Ѓиновиќ, ИТ експерт, консултант и визитинг професор на Harvard University)
Што се однесува до Македонија тука нема многу мудрување, вели Ѓиновиќ и треба да се консултираат стручните луѓе во ИТ секторот и да зајакне нивнaта соработка со Министерството за внатрешни, затоа што таму недостига знаење на таа тема.
„Ние до скоро имавме само три тимови за одговор на компјутерски инциденти и само една фирма која се занимаваше со дигитална сигурност, сега имаме три или четири последнава година. И тоа е делот во кој државата треба многу да соработува со приватниот сектор и на образување нови кадри“, додава Ѓиновиќ.
Македонија влезе во третиот месец на лажни дојави за поставени бомби, испратени по електронски пат. За сега само едно лице заработи кривична пријава.
Нина Стефанова