Тешка сообраќајка на скопската обиколница: Еден велосипедист загина, друг е тешко повреден

Велосипедист загина, а едно лице е повредено во сообраќајна несреќа што се случи попладнево на скопската обиколница, кај клучката во Радишани.

Несреќата се случила пред 16 часот. Според Министерството за внатрешни работи, во двајцата велосипедисти удрил автомолбил од типот „мазда“ кој бил управуван од 63-годишниот Р.Р.

Лицето А.Ш. починало на лице додека повредениот А.П. е пренесен со возило на Итната медицинска помош во Клиничкиот центар „Мајка Тереза“.

Полициски екипи во моментов вршат увид на место на настанот.