Делови од Скопската котлина попладнево беа зафатени од локално невреме со пороен дожд, грмежи и засилен ветер. Од силниот ветер има и паднати дрва.
Денешното невреме во Скопје кое беше проследено со силен ветер предизвика материјална штета на неколку локации низ градот.
Во населбата Аердором силниот ветер откорна неколку дрвја, но и откорна дел од лимен покрив на зграда, кој според станарите, бил саниран пред две години и сега има опасност да падне на земја. Засега нема ниту повредени, а нема ниту оштетени автомобили.
Синоптичарите најавуваат нестабилно време и за утре, а преодно стабилизирање се очекува во петок, додека за време на викендот во попладневните часови повторно ќе има изолирана појава на нестабилна облачност со пороен дожд и грмежи. Од недела ќе дува засилен северен ветер и ќе има пад на температурата.