Комплетно е ставен под контрола пожарот кој речиси пет дена беснееше над село Селце, на Шар планина, а ноќеска беше проширен и над селото Ѓермо. Ренџерите на националниот парк и лицата од Дирекцијата за заштита и спасување од Гостивар, кои денес интервенираа на терен, се повлечени.
Поради тешко пристапниот и стрмен терен, во изминатите денови екипите гаснеа со грбни пумпи, лопати и метли, а беа вклучени и хеликоптери на МВР кои за два дена исфрлија 70 тони вода.
Периметарот на пожарот беше седум километри, а првичните информации говорат дека биле зафатени 219 хектари површина. Гореа ливади, букова шума, приватни имоти.