Четири лица се убиени, а петмина повредени во напад во Рокфорд, Илиноис. Полицијата уапси 22-годишен маж кој е осомничен за повеќекратното убиство.
Според информациите, некои од жртвите биле избодени со нож. Во нападот нема докази за употреба на огнено оружје. Меѓу загинатите има и малолетно лице.
„Во градот Рокфорд имаме четири починати лица. Уште еден е во критична состојба, а други четворица се во стабилна здравствена состојба. Повикот го добивме во 13 часот и 14 минути. Имаме осомничен во притвор којшто е во една од нашите станици“, изјави Карла Ред, шеф на полицискиот оддел во Рокфорд.
Во тек е истрага за причините за крворполевањето.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.