Соединетите Американски Држави ја прекинаа испораката на оружје за Израел. Последната пратка со 3.500 проектили од различен калибар е стопирана со одлука на американскиот претседател Џо Бајден, потврди министерот за одбрана Лојд Остин. Како причина се наведува загриженоста на администрацијата во Вашингтон дека властите во Тел Авив ќе наредат целосен напад врз градот Рафа на југот на Појасот Газа, а американското оружје би можело да се користи во густо населенета средина.
Одлуката на Бајден доаѓа во период на засилени воени активности на израелските сили во Рафа и во деликатен период и за него, поради про-палестинските протести во земјата и во пресрет на изборите. Но, и за израелскиот премиер Нетанјаху кој се соочува со голем притисок од роднини на киднапираните заложници кои бараат договор со Хамас за нивно ослободување.
Во Рафа се засолнети над еден милион цивили кои се раселени од останатите делови на енклавата поради израелската копнена и воздушна кампања против Хамас, која дојде по смртоносниот напад на милитантната група врз Израел на 7 октомври.
Сашко Димовски