Вкупно 21 од 30 подружници со околу 2.000 вработени од денеска стапија во штрајк, бидејќи немаат земено плата за јануари, а се приближува рокот за исплата и на февруарската.
Плати за вработените во ЈП „Национални шуми“ нема, но затоа пари има за нови службени возила и за 450 нови вработувања, обвинува Сојузот на синдикати на Македонија. Сè уште ништо од ветувањето од „Национални шуми“ од пред 20 дена дека платата ќе биде исплатена.
Вработените од шумското стопанство „Бабуна Велес“ штрајкуваат во работните простории во текот на целиот работен ден.