Најмалку 23 луѓе се повредени во земјотресот со јачина од 5,3 степени според Рихтеровата скала што го погоди југот на Турција. Најголем дел од нив се повредиле при пад или скокање од зграда за да избегнат затрупување под урнатини.
Епицентарот на потресот бил градот Јешилјурт, во покраината Малатија, а бил почувствуван и во покраината Адијаман, но и во соседна Сирија. Земјотресот бил на длабочина од 11 километри, соопшти Европско-медитеранскиот сеизмолошки центар.
Турските покраини Малатија и Адијаман беа погодени од разорни земјотреси и во февруари оваа година, кога загинаа најмалку 50.000 луѓе во Турција и во Сирија.