Воена интервенција во Нигер што е можно поскоро. Ова е одлуката на Западноафриканските држави, рече претседателот на Брегот на Слоновата Коска, по состанокот на кој се разговараше за пучот со кој беше симнат од власт првиот демократски избран претседател во земјата.
На состанокот, лидерите на регионалниот блок ЕКОВАС рекоа дека се согласиле да распоредат воени сили „во готовност“.
Сепак, не дадоа никакви детали за големината на силите.
Нигерискиот претседател Бола Тинубу рече дека употребата на сила ќе биде „последна опција“.
Воена хунта ја презеде власта во Нигер на 26 јули.
Водачите на пучистите предупредија дека ќе се бранат од каква било интервенција.
И САД и Франција имаат воени бази во Нигер, кои се користат како дел од напорите за справување со џихадистичките групи во поширокиот регион Сахел.
Американскиот државен секретар Антони Блинкен пред два дена изјави дека верува оти руската платеничка група Вагнер ја „искористува“ нестабилноста во Нигер.