Руското Министерство за вонредни состојби информираше дека испратило руски персонал да и помогне во гаснењето на шумските пожари во јужна Турција во услови на невиден топлотен бран кој го зафати медитеранот.
Амфибијата „Бериев Бе-200“ ја собира морската вода и ја исфрла преку ридските области на турскиот брег во близина на Анталија, популарна летна дестинација за руските туристи.
Министерството соопшти дека авионот исфрлил над 800 тони вода надвор од туристичкиот град Кемер.
Еден ден претходно, рускиот конзулат во Анталија ги повика своите граѓани да останат во своите хотели бидејќи чадот од шумските пожари ги зафати областите на турската ривиера.