Александар Вулин е вмешан во транснационален организиран криминал, нелегални операции со наркотици и злоупотреба на јавна функција, а одржувал и заемна корисна врска со српскиот дилер на оружје Слободан Тешиќ, помагајќи им на илегалните испораки на оружје на Тешиќ да се движат слободно преку границата со Србија, тврди американското Министерство за финансии во соопштението со кое вчера објацви дека директорот на БИА е ставен на неговата црна листа.
Според Американците, потезите на Вулин ја унапредиле корупцијата во владините институции во Србија затоа што тој ги злоупотребувал своите функции за лична корист, вклучувајќи и вмешаност во синџир на трговија со дрога.
Тој ги искористи своите јавни позиции за да ја поддржи Русија, олеснувајќи ги руските малигни активности кои ја деградираат безбедноста и стабилноста на Западен Балкан и обезбедувајќи ѝ на Русија платформа за натамошно влијание во регионот. Вулин е директор на Безбедносно информативната агенција на Србија, а претходно беше министер за одбрана и министер за внатрешни работи. Овие институции не се цел на овие санкции, се наведува во соопштението на веб-страницата на Министерството.
Санкционирањето на Вулин, според Вашингтон, ја покажува решеноста на САД да ги повикаат на одговорност сите кои се ангажирани во коруптивни практики со кои ги унапредуваат сопствените политички агенди и лични интереси на штета на мирот и стабилноста на Западен Балкан.
Според соопштението на американското Министерство за финансии, овие сакнции против Вулин вклучуваат замрзнување на имотот што тој може да го има во САД, но тие исто така значат и забрана за било какви трансакции со него од страна на американски државјани, компании, институции и банки.
Александар Вулин, директорот на српската Безбедоносно-информативна агенција (БИА) ставен е на листата на санкции на Министарството за финансии на САД.