Адвокатката Кети Петкова била шест години обвинителка, а сега е на чекор да влезе во најмоќното обвинителско тело. Но токму Советот на јавни обвинители и пресудил на нејзината обвинителска кариера во 2009-та. Таа тврди дека од обвиниителските води излегла откако не била реизбрана, односно не и бил трансформиран мандатот во траен. Од Советот на јавни обвинители за Телма велат дека функцијата и престанала поради нестручно и несовесно работење.
Во 2009 тогашниот состав на советот на јвни обивнители утврдил дека работела нестручно и несовесно поради што и претстанал мандатот 14 години подоцна е кандидат за член на ова тело. Кети Петкова поранешната обвинителка од Гевеглија а сега адвокатка деновиве го помина првиот комисиски филтер а според информациите кои официјално ги побара и доби Телма од таму, токму Советот на јавни обвинители оценил дека Петкова која во тоа време се презивала Камчева несоодветно ја вршела работата и поради тоа и престанал мандатот
- Од страна на Советот на јавните обвинители на ден 20.07.2009 година е донесена Одлука за престанок на функцијата јавен обвинител која гласи на Кети Камчева , Основен јавен обвинител на Основното јавно обвинителство Гевгелија и престанува функцијата Основен јавен обвинител поради нестручно и несовесно вршење на функцијата јавен обвинител- Совет на јавни обвинители.
Дали е етички да стане член на обвинителското тело кое еднаш и пресудило на нејзната обвинителска кариера и сега таа да одлчува во жалбените постапки за обвинителите, Петкова во телефонски разговор за Телма не сакаше да дискутира за оваа дилема. Тврдеше дека работела стручно и совесно а мандатот не и бил продолжен односно не и бил трансформиран во траен
- Бев избрана во 2003та со мандатот од 6 години. Во 2004 се донесе новиот закон со кој се востанови траен мандат и за обвинителите за судиите. Пред истекот на времето од 6 години не ми го продолжија мандатот во траен . Тоа го искористи тогашната партија на власт и не ми го продолжи мандатот. Не сум разрешена и немаше никаква постапка против мене. Секогаш стручно и совесно сум ги извршувала своите работи, сум била независна и не сум била партиски определена, вели Кети Петкова, адвокат поранешен обвинител.
Со 7 гласа За од владеачкото мнозинство, собраниската комисија за прашања на изборите и именувањата во понеделникот ја утврди Петкова како предлог за член на Советот на јавни обвинители. Следен чекор е нејзиното име да биде потврдено и на пленарна седница. Преходно поддршка од членовите на комисијата доби и Светлана Жупаноска, стручен соработник од Граѓанскиот суд . Двете доагаат како предлози од Собранието за членови на советот на јавни обвинители.
Елена Ивановска Мукоска