ССМ со поддршка и помош на професори од правнито фактултет заедно со синдикалните активисти и правни застапници подготвува иницијатива за уставноста на Законот за работни односи со кој се воведе можноста за 72 часа работна недела, рече новиот претседател на ССМ, Слободан Трендафилов во вечерашната Топ Тема на Телма.
Тоа што нас нѐ загрижува, и што сметаме дека можеби на МТСП му било главната причина е да се оневозможи ССМ во изминатиов период, во овие тешки моменти да ја поднесе иницијативата со изговор дека имало или немало овластено лице на ССМ. Денеска има овластено лице на ССМ, избрано на легитиме конгрес, од делегатите како највисок орган на ССМ, рече Трендфилов.
Трендафилов рече дека во текот на наредната недела иницијативата ќе биде подготвена и веднаш поднесена до Уставниот суд.
Иницијативата овој пат ќе биде најиздржана, и на таков начин ќе се обидеме да им укажеме на уставните судии, толку брзо колку што одлучија за усогласување на нивните плати со просечната плата, толку брзо повторно да одлучат да го укинат тоа и да не одлучуваат за истото прашање два пати, рече Трендафилов.
Пристојното работно време од 40 часа неделно е цивилизациска придобивка која што оваа влада, на брза трака одлучи да го зголеми, критикуваше Трендафилов.
Доколку и Уставниот суд не реагира соодветно согласно тоа што го вовел како пракса, синдикатите не ја исклучуваат можноста и во приватниот сектор да организираат протести, и доколку е потребно и штрајк, предупреди Трендафилов.