Шеснаесет луѓе загинаа, а девет се повредени во голем пожар во зграда во Дубаи.
Пожарникарите набрзо стигнале на местото на несреќата и благодарение на нивната интервенција се спасени многу човечки животи.
Првичните информации за причините за пожарот се однесуваат на непочитување на прописите за безбедност, соопштија официјални лица. Надлежните органи отпочнаа истрага за утврдување на точната причина за несреќата.
Пожарот избил во петкатница во еден од најстарите делови на Дубаи каде што се сместени голем број на продавници.