Актуелната финска премиерка Сана Марин, лидерка на Социјалдемократската партија, го призна поразот на парламентарните избори на кои победи централно-десничарската Национална коалиција.
Најмладата шефица на влада во светот, кога дојде на власт на крајот на 2019 година, беше пофалена за доброто управување со пандемијата на Ковид-19 и процесот на пристапување во НАТО, како и за нејзиниот став против соседна Русија.
Но, противниците ги критикуваа нејзините економски резултати, особено растот на јавниот долг, како и видеата од забавите. Парламентарните избори во земјата со 5,5 милиони жители, речиси, се совпаѓаат со приемот на Финска во НАТО, што се очекува во наредните денови. Формирањето влада обично трае неколку недели, но понекогаш и месеци.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.