Со фотографии на премиерот Албин Курти со нос како на Пинокио и фрлање на чадни бомби пред зградата на владата, неколку стотини симпатизери на вонпарламентарната Социјалдемократска партија во Приштина изразија незадоволство од договорот во Охрид кој предвидува формирање на Заедница на српски општини на Косово.
Демонстрантите побараа оставка од премиерот Курти и од јарболот пред Владата го симнаа косовското знаме и подигнаа бело. Со тоа изразија став дека, според нив, Курти се предал во Охрид. Потоа активираа повеќе димни бомби, па владиниот објектот кратко време беше обвиен во густ црн чад.