Граѓани повторно излегоа на улиците на грчката престолнина протестирајќи поради стравичната железничка несреќа во која животот го загубија дури 57 лица.
Демонстрантите носеа бели балони во чест на жртвите или парчиња црна ткаенина и со црвена боја пишуваа пораки на тротоарите и зградите.
Спасувачките тимови трет ден по ред ги пребаруваат остатоците по судирот на патничкиот воз од Атина за Солун со товарен воз во близина на Лариса. Патничкиот воз превезувал 350 патници, најголемиот дел од нив студенти, кои се враќале во Солун по продолжениот празничен викенд.