Економската независност на жените е многу важна во борбата со родово базираното насилство, посочува во интервју за Телма, Сања Бојаниќ, заменичката на постојаниот претставник на УНДП во земјава.
Таа објаснува на кој начин и со какви активности и проекти УНДП помага во борбата со насилството врз жените. Во тек е кампањата 16 дена активизам против родово базирано насилство што се одржува секоја година од 25 ноември кога е Меѓународниот ден за елиминација на насилството врз жените, до 10 декември на Денот на човековите права.
Оваа година пораката е „ОБЕДИНЕТЕ СЕ! Активизам за ставање крај на насилството врз жените и девојчињата“.