Откако на социјалните мрежи се појавија многу реакции на граѓани дека не функционира телефонската апликација за скенирање на фискални сметки, од УЈП велат дека до крајот на неделата очекуваат да заврши процесот на прилагодување, кој започна минатата недела.
Секој телефон, има свој софтвер за читање бар кодови. Но, овој основен начин на скенирање, базиран на можностите на телефонот не е доволен за сите граѓани да можат брзо и ефикасно да ги скенираат бар кодовите од фискалните сметки Затоа УЈП во апликацијата МојДДВ, користи дополнителна надградба на софтверот за да се овозможи напреден начин на скенирање, со што ќе се изедначат можностите на сите граѓани, без разлика каков телефон поседуваат. Но, со менувањето на технологијата е потребно и унапредување на напредниот начин на скенирање. Поради прилагодувањето на апликацијата на новиот технолошки развој, на понапредниот начин на скенирање, во моментов е возможно да се користи единствено бар код читачот кој го овозможува телефонот, соопштуваат од УЈП.
Во врска со реакциите на граѓаните, кои коментираат дека ќе истече рокот за скенирање додека проработи апликацијата, УЈП ги упатува корисниците бар код читачите или киосците кои се поставени во просториите на Управата за јавни приходи.