Пратеникот Скендер Реџепи ја напушти Алтернатива, дознава Телма. Тој денеска до претседателот на Собранието, Талат Џафери испратил известување дека во иднина ќе делува како независен пратеник.
Се обидовме да добиеме објаснување за причините за ваквиот потег, но Реџепи не одговара на телефонските повици.
Од Aлтернатива велат дека Реџепи подолго време не се појавил во партијата и побараа да го врати мандатот.
Алтернатива е сплотена и нема никаков раздор. Секој е таму каде што сака. Секако, ако зборуваме за пратенички мандат добиен во име на партија, би требало тој мандат да се врати таму. Граѓаните не гласале за независен кандидат, туку за партиски кандидат“, велат од партијата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.