Какво ќе биде мислењето на Бугарската православна црква за процесот на стекнување автокефалност на Македонската православна црква – Охридска архиепископија. Се уште за ова не заседавал синодот а реално настаните се одвиваат брзо, вели во разговор за Телма, Николај Колев од здружението „Православна Бугарија“.
Тој истакнува дека само еден епископ од БПЦ се очекува да изрази несогласување со името Охридска архиепископија, но им препорачува на духовните лица и во Бугарија и Македонија да ги читаат делата на Академикот Иван Снегаров, кој има објавено двотомна историја на Охридската Архиепископија.
Со Николај Колев во дворот на црквата “Свети Ѓорѓи Победоносец” во Фанер, Истанбул, разговараше Билјана Ставрова.