Црквата во Фенер ги отвори портите за многубројните верници од нашата земја кои утре ќе присуствуваат на заедничката литургија на која ќе сослужуваат архиепископот охридски и македонски Стефан и вселенскиот патријарх Вартоломеј. Да се присуствува на овој историски чин на обединување во една, света соборна и апостолска црква е голем товар, но и радост во исто време.
После 55 години Охридската архиепископија предводена од г.г. Стефан се враќа во единство со сиот православен свет. По одлуката на Вселенската патријаршија за црковно обединување и по потврдата од СПЦ дека МПЦ-ОА треба да добие афтокефален статус започнува процесот на обединување на целата православна икумена после години поминати во разединетост.
Не може да се претпостави колку би траел тој процес бидејќи СПЦ и Вселенската патријаршија треба да ги известат сите православни цркви за донесената одлука, па потоа и тие да се изјаснат. 14 на број. Нашата црква како ОА влегува во евхаристичко општење со целиот православен свет како црква на територијата на Северна Македонија и епархиите во дијаспората.
Досега Грчката православна црква го поздрави овој процес со забелешка за употребата на името МПЦ бидејќи на тој начин се навлегува во внатрешните работи на грчката црква која исто така во своја јурисдикција има област наречена Македонија. БПЦ досега во молк го следи целиот процес. А РПЦ исто така го поздрави признавањето на афтокефалниот статус на МПЦ-ОА од страна на СПЦ. Тоа значи дека сега нашата црква е подготвена и достојна за автокефалност.
Утре на 12 јуни, вселенската патријаршија треба да обзнани дека по репението на СПЦ почнува процесот на издавање на општопризнат Томос. Според редоследот на достоинство другите православни цркви треба да бидат известени после Цариград, Александрија, па Антохија и т.н.
По добиените одговори од црквите Патријархот Вартоломеј треба да издаде Томос, кој ќе го потпише само тој. А потоа нашата црква ќе се договори до секоја од црквите на кој начин ќе си се обраќаат. Охридската архиепископија е гордост со 10 века традиција.
Од Истанбул за Телма известува Билјана Ставрова