Ниту по две недели од сообраќајната несреќа во Бугарија каде животот го загубија 45 македонски патници, инспекторите не може да влезат во седиштето на Беса Транс. Сопственикот и вработените не одговараат на телефоните.
Директорот на Испекторатот за транспорт, Руфат Хусеини ни изјави дека, согласно законот испратиле известување до Беса транс за извршување на надзор и кога тоа ќе биде вратено потпишано од управителот, тогаш ќе биде извршен испенцискиот надзор.
Ние треба да направиме инспекциски надзор на правното лице Беса транс, ние не правиме надзор на управителот, тој треба да биде присутен. Ние правиме надзор на правното лице Беса транс со седиште во с. Рашче, која е затворена. Бидејќи е затворено седиштето, не можеме да влеземе и да направиме надзор, рече Хусеини.
Инспекторатот нема никаков контакт со сопственикот на Беса Транс, и не е работа на Инспекторатот да бара каде се наоѓа тој, посочи Хусеини.