Над 3.000 вакцини против Ковид-19 има аплицирано 23 годишниот Стефан Мишовски од Скопје. Волонтирал на пунктот во салата „Борис Трајковски“, а од пред десетина дена е во штипскиот регионален пункт. Стефан е студент на Факултетот за медицински науки на штипскиот Универзитет „Гоце Делчев“. Тој е дел од 80-те студенти волонтери, кои се желни за практична настава и да се вратат во амфитеатрите.
Идните лекари на пунктот ставаат вакцини, внесуваат податоци како администратори и ги советуваат пациентите по имунизацијат. На пунктот поминуваат околу седум часа. Иако имаат испити, тие не изостануваат од работните обврски.
Студентите од штипскиот универзитет волонтираат на пунктовите во Штип, Кавадарци, Битола и Куманово. На пунктот во Штип дневно се анагжирани 50 лекари, медицински сестри од здравствениот дом Клиничка болница, како и студенти, волонтери на Црвен Крст, вработени во Општина Штип, припадници на АРМ и на полицијата.
Досега на пунктов се имунизирани околу 13.000 граѓани од штипскиот и струмичкиот регион, а од понеделник се очекува да стартува имунизацијата на вработените во приватниот сектор.
Викторија Димитрова Јованова