Бугарски европратеник и известувач за РСМ во Европскиот парламент Илхан Ќучук во изјава за БГНЕС вели дека без спроведување на потребните реформи, земјава не може реално да ги започне преговорите за влез во ЕУ и ризикува да се одвои на европскиот пат од Албанија.
Без промена на Уставот, Република Северна Македонија навистина не може да почне да преговара со ЕУ“, вели бугарскиот европратеник.
Изборот е многу јасен – дали Република Северна Македонија сака да продолжи по својот пат, со реформирање на општествено-социјалните односи, или ќе се приклучи на друга група која нема јасен патоказ во ЕУ“, рече Ќучук и нагласи дека одлуката е целосно во рацете на македонските политичари.
Според него, во македонскиот парламент нема единство околу целта за влез во ЕУ, туку се игра со стравовите на македонското општество.
„Никој не поставува дополнителни услови. Условите се тие и двете страни се договорија. Тие ги изгласаа овие услови во бугарското, односно во македонското собрание. Оттука овие договори мора да се исполнат“, вели Ќучук.
Пораката доаѓа во пресрет на собраниската седница на 18 август на која треба да се утврди потребата од уставни измени.