Заедничките служби на Клинички центар без плата… Сметката е блокирана. Од таму за Телма велат дека очекуваат проблемот да се надмине идната недела.
– Сметката на установата е блокирана од доверители по различни основи… Се преземаат мерки со надлежните институции и очекуваме проблемот да биде решен, се вели во одговорт на службата, кој го испратија до Телма.
Инаку, ова не е прв пат заедничките служби, да биде со блокирана сметка.
Претхдно тие имаа и проблеми поради долгот за струја на Мајка Тереза поради што можеше да остане без електрична енергија. Тогаш од службите изјавија дека се потребни повеќе пари кои ќе се распеделат по клиники за да се покрие долгот и на тој начин да се затвори проблемот. Властите потоа објавија дека ќе се прават анализи за да се реши овој проблем кој со години се провлекува. Но, досега нема никакви промени во тој дел. Долгот за струја на клинички изнесуваше над 7 милиони евра, бидејќи сметките не се плаќале три години. За да се спаси од мрак клиничкиот центар, тогаш државата плати дел од овој долг.
Инаку, претходно од заеднички служби на Клинички, изјавија дека тие се посебно тело кое само се финансира и апелираа да се најде начин за да се стави крај на проблемот со оваа служба.