Бидете сигурни дека ќе бидат активирани сите европски механизми, така што ќе може да се заврши оваа анти-бугарска омраза и хистерија, порача претседателот на Бугарија, Румен Радев во коментар за одлуката на неговиот колега од Македонија, претседателот Стево Пендаровски да им се забрани влез во земјава на еден европратеник и неколку други бугарски државјани поради дејствија што претходно ги преземале и сè уште ги преземаат против нашата држава.
Радев очекувал институциите во земјава да докажат, не само дека не се дел од анти -бугарската кампања, туку и дека активно се борат против неа.
Претседателот Пендаровски во понеделникот по Состанокот на Советот за безбедност соопшти дека препораката за забрана за влез на одредени лица во земјава особено на денот на одбележувањето на раѓањето на Гоце Делчев, ја донел откако сите проценки и анализи на надлежните безбедносни служби, покажале дека 4 февруари ќе биде настан од висок безбедносен ризик затоа што организирани структури во Бугарија се мобилизирани да поддржат организирано доаѓање во Скопје на повеќе лица, кои спроведуваат антидржавни кампањи кон С Македонија.