Европската Унија планира финансиски пакет за земјите од западен Балкан кои се кандидати за членство во Унијата. Пакетот е во вредност од околу 6 милијарди евра.
Условот за добивање на овие средства се реформите кои би требало да се извршат во државите, а парите обезбедени од овој европски фонд би требало да се употребат за да донесат економски развој.
Унијата преку пакетот очекува земјите од Западен Балкан да се приближат на европските пазари: да се зголеми слободно движење на стоки и слободно движење на работници и услуги, да се обезбеди полесен пристап за плаќање во евро-зоната, да се подобри интеграцијата на патен сообраќај но и да се засили интеграцијата на енергетскиот пазар , како и дигиталната интеграција во индустријата.
Контролата врз наменското трошење на овие финансиски средства ќе ја извршува ОЛАФ и другите ЕУ-институции надлежни за ревизија.
