Владата на денешната 121 седница ја разгледа и усвои информацијата од Министерството за внатрешни работи (МВР) за потребата од изработување на план за воспоставување на национален електронски идентитет за секој граѓанин. Планот беше разгледан и прифатен, заедно со тој за реализација.
Целта, како што се посочува во соопштението на владината прес-служба, е доделување на електронски идентитет на граѓаните на Република Северна Македонија, што, според посочувањето од Министерството за внатрешни работи, треба да е носечки столб за дигиталната трансформација на општеството. Со тоа, се додава во дописот, ќе се овозможи унифициран пристап за користење на електронските услуги и размената на податоци, како во државата, така и надвор од неа – земјите од Западен Балкан и Европската Унија.