Започна “огненото“ соочување во Мала Речица. Лидерот на ДУИ Али Ахмети ги прими водачите на „огнената група“ Изет Меџити, Муса Џафери и Блерим Беџети. На маса се барањата за реформа на партијата, односно по три години да се дооформат партиските тела – Централното претседателство и нaјтесното партиско раководство. „Огнените“ преку писмо веќе побараа одлуките во партијата да се носат во партиските органи, а не двоецот Ахмети – Груби.
Незадоволни од работата на министрите „огнените“ бараат смена на првиот вицепремиер и на други министри, како и отчет за досега сработеното во Владата. Од синоќа на групата им се приклучи и експратеникот на БЕСА, Кастриот Реџепи кој во моментов делува независно. Неговата поранешна партија се огради и преку пратеникот Фадил Зендели потврди за МИА дека нема да поднесе интерпелација за првиот Вицепремиер Артан Груби кој е на отстрел на огнените.