Обвинение без докази поднесено од неовластен тужител кое треба да заврши со ослободителни пресуди.
Ова тврдење со часови го образложуваа во завршен збор адвокатите на експремиерот Груевски кој е во бегство и екс-генералниот секретар на ВМРО-ДПМНЕ, Кирил Божиновски.
Судењето за Талир два денеска финишира а судечкиот совет на наредното рочиште ке се произнесе дали се виновни Груевски и Божиновски и дали ќе биде конфискувана т.н Бела палата на ВМРО-ДПМНЕ.
На минатото рочиште обивнителот Љубен Лапе побара казни за осуда за обвинетите но и конфискација на партиското седиште на ВМРО-ДПМНЕ. Објаснуваше кои закони ги прекршиле обвинетите и како незаконски се градело партиското седиште.
Одбраната денеска одговараше на сите тези.
Адвокатите потенцираа дека и партијата и градежната компанија
Бетон имале интерес од тој договор и дека нема оштетени.
Се согласуваат со обвинителството дека политичка партија не може да остварува приход од дејност но велат не станувало збор за тоа.
Адвокатите на ВМРО ДПМНЕ не дадоа завршен збор.
Кажаа дека немаат законско право затоа што не биле сослушани претатавници на партијата за време на судењет.
Поради тоа сметаат и дека судот не смее да го конфискува имотот на ВМРО-ДПМНЕ.
Елена Мукоска Ивановска